شحن مجاني من 650 جنيه
افتحي الشحنة قبل ما تدفعي
استبدال أو استرجاع خلال ١٤ يوم لو فيه مشكلة

البوكس السحري للعناية بالشعر

1,500.00 EGP

1,350.00 EGP

10% خصم

وفّري 150 جنيه+ هدايا مجانية

الدفع عند الاستلام · افتحي الشحنة قبل ما تدفعي

+٩٠ عميلة شاركوا تجربتهم، شوفي الآراء

هدايا مجانية مع كل بوكس

زيت أوريا الطبيعي 30 مل
5 بونيهات للاستخدام
فرشاة لتوزيع الخلطات
كارت خصم 10% على الطلب التالي

نوع المشاط: بني

بني احمر

متغيرات المنتج

عناية طبيعية موثوقة
تركيبات مختارة بعناية لتكملي روتينك اليومي بثقة وراحة.

توصيل حتى باب البيت
التكلفة وموعد الوصول يظهران بوضوح قبل إتمام الطلب.

دفع آمن ومرن
اختاري وسيلة الدفع الأنسب لكِ عبر صفحة دفع محمية وآمنة.

استبدال واسترجاع خلال ١٤ يوم
تسوّقي براحة واطمئنان، وفقًا لشروط سياسة الاستبدال والاسترجاع.

طرق دفع آمنة ومتنوعة

البوكس السحري للعناية بالشعر

بيتشروا مع بعض

كمّلي روتينك

إضافات بتكمّل نتيجة روتينك — بضغطة واحدة

زيت أوريا

LE 325.00~~LE 399.00~~

زيت الروزماري

LE 450.00~~LE 550.00~~

ماسك السدر

LE 499.00~~LE 599.00~~

مورينجــا

LE 249.00~~LE 299.00~~

مع الاستخدام المنتظم

هتلاحظي الفرق إمتى؟

من أول استخدام
نعومة ولمعة

الشعر أخف وأسهل في التسريح، والفروة أنضف.
٢–٤ أسابيع
فروة أهدى وشعر أقل في المشط

هيشان أقل، وقشرة وحكة أقل مع الاستخدام مرتين في الأسبوع.
٢–٣ شهور
طول وكثافة أوضح

مع الالتزام بالروتين الشعرة بتبقى أقوى والكثافة بتبان.

النتايج بتختلف من شعر للتاني حسب الحالة والالتزام بالروتين.

عميلات أوريا بيحكوا

الآراء اللي بتتكلم عن البوكس السحري للعناية بالشعر أو مكوّناته في الأول، وبعدها آراء عن باقي منتجات أوريا.

95رأي من رسايل عميلات حقيقيات
+٣٠ ألفأوردر من عميلات أوريا
افتحي قبل ما تدفعيمعاينة الشحنة عند الاستلام

عايزة أشكركم بجد على كل المنتجات الجميلة الطبيعية البيور دي، تبارك الله عليكم. استخدمت البوكس السحري بقالي شهرين إلا أسبوع، وبجد النتيجة تقل ولون جميل، وملاحظة طول في شعري وإنه بقى صحي، يعني خصلة الشعر بقت تقيلة. بجد مش عارفة أشكركم على المشاط ولا الحنة ولا السدر ولا الزيت ولا نواة التمر ولا التقفيل.

بجد شكرًا على مجموعة الشعر، جميلة جدًا. أنا كنت بعاني من الإكزيما الدهنية ومش لاقية حل، وعملت الروتين اللي قلتوا عليه، وبجد القشرة اللهم بارك اختفت، الحمد لله. وعايزة أعمل أوردر تاني.

ريفيو صغير على منتجات السدر ونواة التمر والمشاط البني: بصراحة ظهرت لي نتائج في أقل من شهر. البيبي هير طلع أكتر وطوّل، والحكة اللي بسبب القشرة قلت، وألم الفروة قل. عقبال ما شعري يطول أكتر وأكتر.

بجد شكرًا على الماتريال الرهيبة دي. أنا بقالي شهر بستخدم السدر والمشاط ونواة التمر، وشعري بقى كأني عاملاه استشوار مع إن وضعه كان سيئ جدًا، شعري في حتة تالتة بجد ما شاء الله. وحتى والدتي كان شعرها مدمر بسبب الصبغات وشبه محروق، ومن مرتين استخدام الموضوع اتحول 180 درجة: الشعر نعم جدًا، الكسرات قلت، الهيشان راح، الخشونة قلت، والتساقط اللي كان مهول أقدر أقول إنه اختفى. خليت كل الناس اللي أعرفهم يشتروا الحاجات دي بدل الكيماويات، والبيت عندي كله بقى بيستخدم معايا. بجد المنتجات خرافية، تسلم إيديكم.

حقيقي الميكس سدر ومشاط ونواة تمر رهيب، اللهم بارك رجّع شعري لطبيعته وأنا صغيرة، تقل جدًا جدًا كده، بقالي شهر ونص.

عايزة أشكركم جدًا على منتجاتكم وجودتها. أخدت المنتجات من حوالي شهر، وواظبت أعملها على الأقل مرة في الأسبوع، وشعري فرق جدًا جدًا، شكله صحي ولونه تحفة ومترطب. على الرغم إني بستخدم حنة من عندي، لكن المشاط والسدر ونواة التمر والمورينجا من عندكم، والزيت كمان. بجد شكرًا جدًا.

بقالي ٣ شهور بستخدم بوكس التغذية، وبصراحة الفرق باين جدًا في شعري، من طول وكثافة ونعومة وحيوية، ما شاء الله اللهم بارك. جربت حاجات كتير لشعري، وده اللي جاب معايا نتيجة. وإن شاء الله لما اللي عندي يخلص هجيب تاني وتالت ورابع. شكرًا على المصداقية والمساعدة في اختيار الكورس العلاجي المناسب لشعري.

بقالي شهرين وشوية بستخدم البوكس، والحمد لله أول مرة ألاقي حاجة طبيعية ومش مغشوشة. كنت جايبة البوكس وأنا خايفة، ولاحظت فرق كبير: التساقط قل وشعري بقى تقيل وشايفة نتيجة ملحوظة. جبت البوكس بعد ما قصيت شعري لنص ضهري، والحمد لله طول تاني. أنا مش منتظمة، ورغم كده النتيجة جميلة، وأول ما يخلص هجيب منكم تاني بإذن الله.

أولًا ما شاء الله الكمية فيها بركة، مستخدماه أنا ومامتي وأخواتي الاتنين، بس أنا الوحيدة المنتظمة عليه أسبوعيًا. أول حاجة، ما شاء الله فيه شعر جديد كتير طلع، وشعري تقل على تقله. تاني حاجة، صحابي وقرايبي لما شافوا شعري كانوا فاكرين إني عملته بروتين أو أي تريتمنت تاني، من كتر ما الشعر نعم وطول. أنا جربت ماسكات وحاجات كتير للشعر، بس نتيجة المشاط والسدر من عندكم غير.

حبيت أعطيكم فيدباك على منتجاتكم بما إني خلصت أول باكدج، كان فيه سدر ونواة تمر ومشاط. أول ما جيت مصر لقيت المنتجات كلها مغشوشة، والزيوت والأعشاب مخلوطة بأشياء غريبة. أنا عشت حياتي بين السعودية والإمارات وما نستعمل لشعورنا إلا أعشاب وزيوت طبيعية، فأعرف الشي اللي جدامي من ريحته، واقتنعت بالبوكس مالكم لأني ما لقيت أي براند ثاني قدرت أقتنع فيه. والحين بعد ٤ شهور مع الاستعمال مرتين في الأسبوع، أنا في حياتي ما شفت شعري بهالطريقة: كثافة كثافة وفرق في الطول، تبارك الرحمن. يمكن الشي الوحيد اللي مب أوكي هو الريحة لأنها ما تطلع من الشعر بسهولة، بس ما شاء الله عليكم الصراحة.

المنتجات حلوة جدًا جدًا. مكنتش متوقعة نتيجة زي كده، طلعت أحلى من التوقعات. وبعد الاستخدام قللت جدًا من استخدام الشامبو، وفرقت جدًا في الشعر اللهم بارك. وكل ما تخلص هفضل أطلب إن شاء الله.

رشحتكم لكذا حد من أصحابي. جربت الحاجة بالفعل، وسبحان الله ماكنتش متوقعة كده أبدًا. من أول مرة المشاط مع المورينجا حسيت فعلًا إن شعري اتفرد عن طبيعته، وكمان حاساه فيه طراوة أكتر، اللهم بارك. وعشان كده أنا جاية أطلب كل اللي عندكم.

حابة أحكي عن تجربتي مع منتجاتكم: نواة التمر والمشاط البني والسدر وزيت أوريا. بصراحة بشكركم جدًا، فعلًا بفضل الله ثم منتجاتكم حسيت بتحسن كبير في صحة شعري، وأتمنى لكم استمرار الجودة العالية والنجاح والتميز.

ريفيو متأخر شوية معلش. حابة أشكرك من كل قلبي، نتيجة السدر والمشاط بانت من أول مرة وأنا مبهورة فعلًا. اتأكدت إن السدر اللي كنت بعمله زمان ده كان تراب، ومتحمسة أجرب الحنة كمان الأسبوع الجاي.

كنت واخدة سدر ومشاط، والمنتجات جميلة معايا وحاسة بفرق في شعري.

أنا جاية أشكركم كتير للمرة التانية، وريفيو كده تستاهلوه بعد مواظبة لمدة شهر تقريبًا على السدر والمشاط.

جربت المنتجات، بجد تحفة أوي، وحاسة إن شعري فرق من أول مرة. وبجد مش هتبقى آخر مرة، ويارب شعري يطول أكتر من كده. شكرًا أوي على المنتجات التحفة دي.

الأوردر وصلني وبجد تحفة جدًا، بمجرد ما فتحت البوكس شميت الريحة تحفة جدًا، وجودة الحاجة بجد حلوة جدًا. كانت أول مرة أجرب من عندكم وانبهرت بالمنتجات، ومش هتكون آخر مرة بإذن الله. شكرًا على المصداقية.

شكرًا جزيلًا على المصداقية وحسن التعامل وسرعة التوصيل. عايزة أطلب أوردر تاني، وإن شاء الله يبقى تعامل دائم.

الباكدجنج رهيب بجد، شكرًا. ودي مش أول مرة، أنا طلبت من فترة سدر ونواة التمر كتجربة ومبسوطة جدًا، وحاليًا طلبت البوكس الكبير، ومش آخر تعامل معاكم. ده غير إن تعامل التوصيل قمة في الاحترام، شكرًا على تعاملكم الراقي.

أنا جاية أشكركم كتير للمرة التانية، وريفيو كده تستاهلوه بعد مواظبة لمدة شهر تقريبًا على السدر والمشاط.

تسلم إيدكم جدًا على الأوردر التحفة. حقيقي ده أنضف وأنعم سدر استعملته، والمشاط بقى وهم. وشكرًا على الهدية الجميلة، والبونيه تحفة، كنت لسه هشتري واحدة بكره عشان أجرب السدر لقيتكم عاملين حسابكم وحاطين بونيه. حقيقي شكرًا على الجودة والذوق، وأكيد مش آخر تعامل.

البوكس جميل والتغليف رائع، وخامات البودر، المورينجا والسدر والتمر، تحفة بجد، خامات عالمية ما شاء الله. حبيت أشكرك على التعامل الجميل وسرعة التوصيل والحاجة التحفة دي.

وصل البوكس السحري، شكرًا بحب. متشوقة أجربه، ويا ريت لو عندكم خلطات معينة أقدر أستفيد منها.

بجد منتجاتكم تحفة، وأتمنى تعملوا زيوت.

الأوردر وصل، ومن قبل ما أفتحه ريحته تحفة، فتحته لقيته بجد روعة. هجربه بأمانة وأقولكم، بس بجد شكرًا جدًا على السرعة الرهيبة دي والتقفيل التحفة ده.

الأوردر وصلني، ومتشكرة جدًا على التغليف والهدايا والخصم. هجرب وأعمل ريفيو ضروري بإذن الله.

طلبت البوكس من على الويبسايت ووصلني النهارده، خطير خطير بجد.

الأوردر وصل، وحقيقي حاجة في منتهى الفخامة والشياكة.

شكرًا على التغليف الجميل، وبإذن الله ربنا يجعل فيه البركة.

حلو بصراحة جدًا جدًا، عشان كده بطلب تاني.

إيه الجمال والقمر ده! أقسم بالله بوكس منظم والأوردر تحفة جدًا وجودته عالية بجد، تسلم إيدك. شكرًا على المصداقية، وإن شاء الله مش آخر تعامل.

المنتج اللهم بارك ممتاز: المشاط والسدر ونواة البلح والزيت. شكرًا لكم.

حابة أشكركم على الأوردر، أنا أول مرة بجد أستلم أوردر يكون بالحلاوة دي كلها، تغليف خطير وشكل مبهر بصراحة، شكرًا جدًا. لسه مستلمة حالًا، وإن شاء الله مع الاستخدام هبعت وأقولكم.

وصلني امبارح البوكس الكامل، وحقيقي ريحته ظهرت بمجرد ما فتحت البوكس، حقيقي تحفة جدًا.

استلمت الأوردر، وحلو قوي. تسلمي بجد.

رائع بصراحة.

المنتجات دي جابت نتيجة حلوة جدًا بصراحة. كل شعري الحمد لله فراغاته اختفت، فاضل بس عندي تكثيف الهيرلاين الأمامي ومنطقة السبعات.

عايزة أقولك التساقط وقف من أول استخدام. وأنا بغسل المنتج من شعري اتفاجئت إن مفيش خصل بتنزل مع المية زي زمان، وكدبت نفسي، فعملته تاني بعد يومين وغسلته، وبسرّح بالمشط ما بيطلعش فيه غير شعرتين حرفيًا.

أنا في تانية جامعة، والتساقط في الفترة دي مكانش بيقل، بالعكس كان بيزيد. لحد من أسبوعين، كل ما أحط إيدي في شعري لازم يبقى فيه شعر وقع في إيدي، والتسريح كان بينزل خصل وأنا بغسله كمان. التساقط كان صعب بجد، واتعلقت في قشاية إنه يخف شوية قبل فرحي اللي كمان أربع شهور. مكانش معايا بادجت كفاية، فجبت المورينجا وعملت ماسك لجذور شعري بس، ولقيت من أول مرة التساقط قل بشكل ملحوظ. عملت الماسك الأسبوع اللي بعده، وفي الأسبوع التاني ما شاء الله مفيش شعراية واحدة نزلت وأنا بسرح شعري. بجد شكرًا جدًا.

حلو جدًا، لاحظت إن المنتجات نضيفة وناعمة من غير شوائب، وحاسة فروة راسي بقت نضيفة الحمد لله. تسلم إيديكم.

ممتاز جدًا، والنتيجة حلوة جدًا من أول مرة. ومنتهى الأمانة والضمير، منتجات مضمونة. شكرًا جدًا لحضراتكم.

بصراحة الأوردر ولا غلطة وتحفة، وبيكفي وقت طويل معايا، وشعري طوّل كتير عن الأول. عايزة أقولك بحبك أوي.

جميل حقيقي، وحاسة ببداية شعر صغير بدأ ينبت.

شكرًا جدًا على الأوردر الجميل ده، أنا جربته وبجد تحفة أوي، والنتيجة بتاعة المشاط روعة وباينة من أول استخدام. مش عارفة بجد أقولكم إيه، كفاية كمان ذوقكم في التعامل من أول طلب الأوردر لغاية المندوب. ربنا يزيدكم من فضله.

المنتج حلو أوي، نفع شعري وبقى شعري بيسقط أقل من قبل. جزاكم الله خير.

بستخدم الماسك كل أسبوع باستمرار، وطبعًا لسه بدري على ما أخلص العلبة وأشوف نتيجة، بس حابة أشكركم لأن في نتيجة ملحوظة. مش فرق كبير، بس أنا لسه في البداية ومتوقعتش أشوف فرق غير لما أخلصه، والحمد لله كل أسبوع بيفرق حبة عن اللي قبله في التساقط واللمعان والهيشان. شكرًا، إنها منتجات كويسة مش أي كلام، ومتحمسة أخلصه وأشتري البوكس الكبير.

تحفة بجد، اللي حصل تحفة يا فندم، اللهم بارك من أول استخدام. نعومة ولمعان، وادّى شعري لون جميل أوي أوي رغم إن شعري غامق، وكمان قلل التساقط.

تمّيت شهر من استعملت الماسكات بتاعتكم، ولاحظت فرق شاسع في شعري بجد، ومبسوطة جدًا إني اتعاملت معاكم. قبل الكمية اللي عندي ما تخلص هتلاقيني بعتلك عشان أطلب تاني.

حبيت أعمل الريفيو بعد ما استخدمت الحاجات كذا مرة، وبجد مش آخر تعامل. إيه التحفة دي! شعري بجد اتحسن كتير، والتساقط قل، والشعراية نفسها اتفردت، بقالي كتير أوي مشفتش شعري بيتنفس. شكرًا جدًا ليكم.

حابة أشكرك جدًا على المنتج، رهيب جدًا جدًا، ورجّع شعري حيوي وفيه لمعة ونعومة، جميل جدًا. استعملته مرتين ومكنتش متوقعة النتيجة دي، رهيبة جدًا.

استلمت واستخدمتهم، عملت بيهم حنة لشعري، وبجد أول مرة في حياتي أحس فروة راسي نضيفة وبتتنفس كده. شكرًا بجد، الحاجات تحفة.

أنا في العادي مش بقول ريفيو على حاجة، بس اتوهمت من أول ما جربته وأنا بغسل شعري. بجد حوار ما شاء الله، فحبيت أقولكم شكرًا.

ممكن تبعتيلي لينك الصفحة بتاعتكم؟ هخلي صحابي يطلبوا منكم، علشان بصراحة المنتج بتاعكم تحفة.

الأوردر وصلني وجربته النهارده، صراحة حلو جدًا جدًا. عايزة أطلب واحد تاني لأختي.

أنا جربته وطلعت النتيجة حلوة من أول مرة، الحمد لله.

لسه مستلمة السدر، وحقيقي لحد آخر لحظة قلت إن جودته مش هتطلع حلوة، لأني جربت حاجات كتير أوي وبفهم في نوعه. أول ما فتحته وحطيته على إيدي عرفته من ملمسه، وجودته حلوة جدًا. دي أول مرة أجيبه من مصر ويطلع حلو كده، لأنه على طول بيجيلي من السعودية، وبجد مش آخر تعامل.

تحفة بجد. ومقارنةً إني كنت في الخليج وبستخدم المنتجات الطبيعية بشكل مستمر، فمنتجاتكم تبارك الرحمن تحفة والكوالتي رائعة. وإن شاء الله دايمًا متألقين.

المنتج حلو جدًا، وحتى لون الشعر اختلف زي ما أنا كنت عايزة، وعشان كده طلبت تاني لما خلص. شكرًا جدًا.

الأوردر تحفة حقيقي، ولاحظت فرق كبير فعلًا. شكرًا.

والله يا فندم المنتج حلو جدًا وجايب نتيجة معايا، يخلص وأطلب تاني أكيد.

المنتج هايل الحقيقة، وبستعمله دلوقتي كل أسبوع، وهطلب تاني لأختي إن شاء الله.

حلو جدًا بصراحة وناعم جدًا ومش بيمسك في الشعر.

بصراحة كانت تجربة ناجحة وشفت منها نتيجة حلوة، ومش هتكون الأخيرة، هتعامل معاكم تاني وتالت. وشكرًا لحسن المعاملة الراقية.

بجد السدر خطير، بيرغّي وجودته عالية للأمانة، وكنت خايفة والله. فعلًا صدقتي لما قلتي مش هيكون آخر تعامل، فعلًا مش آخر تعامل بينا.

استلمت الأوردر امبارح، والله في منتهى الرقي، تقفيلته خدت قلبي والاهتمام بالتفاصيل ودّاني في حتة تانية، قد إيه حاجة محترمة وشيك. تدل على ناس بتحب شغلها وبتراعي ضميرها وبتحترم عملاءها وبتدلعهم. لسه مبدأتش الروتين، بس متحمسة أبدأ، والريفيو الجاي هيبقى عن النتيجة. مبسوطة بالتعامل معاكم.

كنت قلتلكم إني هجرب وأديكم ريفيو، وأنا كده كده كنت واثقة من المنتج قبل ما أجربه. والله شهادة أمام الله إنه تحفة تحفة تحفة، ونصحت كذا حد من صحابي بيكم.

لا، دي أول مرة أتعامل معاكم. الدكتورة بتاعة شعري شكرت جدًا فيكم وفي منتجاتكم، ونصحتني أبدأ معاكم.

أنا مبسوطة من سرعة التوصيل بجد، وصل تاني يوم. والسدر نفس اللي جبته من المدينة بالظبط. شكرًا على المصداقية وذوقكم الجميل.

بجد السدر تحفة تحفة. كنت خايفة يطلع وحش، بس والله طلع حلو أوي، وإن شاء الله مش آخر تعامل وهجرب حاجات تانية من عندكم.

أنا أخدت من عندك السدر، اللهم بارك تحفة بجد جدًا، والله ممتاز، والحمد لله اتأكدت إنه أصلي. شكرًا جدًا على المصداقية، كنت حاسة إنه هيطلع مش أصلي بس خيبتي ظني. بجد شكرًا أوي أوي.

أنا استخدمت الحنة بتاعتكم، ولحد دلوقتي هي أفضل حنة استخدمتها من مصر، وعايزة أعمل أوردر تاني.

المنتجات وصلتني من أسبوعين، ولحد دلوقتي استعملتها مرتين، وصراحة خيال ما شاء الله. المنتجات نضيفة وفريش ومطحونة حلو، ما بتتعبنيش في الغسيل، وحاسة بفرق في شعري من مرتين بس. بجد شكرًا ليكم.

حابة أشكركم على كام حاجة: أولًا طريقة التغليف والتقديم تحفة، والمنتجات مطحونة ناعم جدًا جدًا، وانبسطت جدًا بطريقة الطحن. وكمان جربت السدر وعملت له الاختبار، وبصراحة يجنن وبيور. فعلًا شركة تستحق كل الدعم على منتجاتها ومصداقيتها، وبأمر الله مش آخر تعامل بعد الكواليتي التحفة دي.

شكرًا جزيلًا، الأوردر وصل والمنتجات ممتازة جدًا. ألف شكر.

وصلني! شكرًا كتير على الباكدج، حلو جدًا، وعلى تعاملكم كل الاحترام والله، لأني من فترة بتعامل أونلاين وللأسف كانوا سيئين جدًا في التعامل والتوصيل.

استلمت الأوردر الحمد لله. الحاجة ريحتها تحفة بجد، والباكجينج جميل حقيقي خصوصًا السيرم. بإذن الله هستخدم وأقول رأيي.

لسه مستلمة الأوردر، وبصراحة تحفة من كل حاجة، من الباكدجينج لحد البوكس من بره، كل حاجة جميلة ونضيفة. بجد بقيت متحمسة أجربه، وإن شاء الله لينا عودة بعد ما أخلصه.

بجد البكدج خطيرة، مبسوطة بيهم. هجربه وهقول لحضرتك أكيد.

استلمت البوكس النهارده وعجبني الباكدجينج جدًا، تسلم إيديكم. وكمان كنت خايفة الزيت تكون ريحته نفاذة، بس طلعت ريحته مقبولة الحمد لله. إن شاء الله هجرب المنتجات وأقولكم رأيي.

بستخدمه والحاجة جميلة، شكرًا جدًا للمصداقية.

ما شاء الله، حاجة محترمة جدًا، وتغيير كويس جدًا.

شكرًا ليكم، منتج طبيعي ومفيد، ولما أخلص الأوردر أكيد هطلب غيره.

شكرًا على الأوردر، الباكدج بجد حلو أوي ومنظم جدًا، وإن شاء الله لما أجرب المنتجات أبعت لحضرتك.

الأوردر وصل والحاجة تحفة أوي، هجربه بقى وأقولكم تجربتي.

استلمت الباكدج، والتغليف تحفة وكل حاجة ريحتها طبيعية ١٠٠٪. إن شاء الله هعمل ريفيو لما أبتدي في الروتين، شكرًا ليكم.

التغليف جميل أوي، وباين على الحاجة إنها مخدومة ونضيفة. شكرًا لوقتكم واهتمامكم.

حاسة بفرق من أول استخدام، بس هستنى كام مرة كمان وأعمل ريفيو.

استلمت الأوردر، شكله بيرفكت وكل حاجة تحفة الصراحة. لما أجربهم هقولك تجربتي، وإن شاء الله مش آخر تعامل معاكم.

استلمت الأوردر والمنتجات قمر أوي أوي، شكرًا جدًا، ابهرتوني والله.

ممكن أقول ريفيو قبل الاستعمال: طلبت امبارح ووصلني النهارده، اتفاجئت واتحمست في نفس الوقت فقررت أعمل الماسك على طول. وقوام السدر عجبني جدًا، كنت خايفة يطلع مخلوط بس واضح إنه أصلي.

المنتجات وصلت، والباكيدج حلو أوي بجد. هبدأ أستخدمه إن شاء الله.

الأوردر تحفة تحفة بجد. هجربه، وإن شاء الله يجيب نتيجة ونطلب تاني.

جميل جدًا ما شاء الله، بس لحد دلوقتي استخدمته مرتين بس، فلسه بشوف النتيجة.

استلمت المجموعة، والباكدج شكله بيشجع جدًا على التجربة.

اسحبي يمين وشمال لآراء أكتر ←→

شوفي السكرينات الأصلية (94)

الكلام مكتوب من رسايل العميلات زي ما هو، صلّحنا الإملاء بس. وخبّينا الأسامي والأرقام حفاظًا على خصوصيتهم.

ليه أوريا؟

أوريا × المنتجات التجارية

	أوريا	منتجات تجارية
مكونات طبيعية ١٠٠٪ من غير إضافات		مواد كيميائية ومعطّرات
من غير سلفات ولا بارابين		غالباً فيها
هدايا مع كل بوكس (زيت + بونيهات + فرشاة)		لأ
الدفع عند الاستلام وتفتحي قبل ما تدفعي		مش دايماً
أكتر من ٣٠ ألف أوردر لعميلات في كل مصر		—

البوكس السحري للشعر من أوريا – روتين طبيعي متكامل لشعر أقوى وأكثر حيوية

احصلي على عناية شاملة لشعرك مع البوكس السحري من أوريا الذي يجمع أشهر منتجات العناية الطبيعية في مجموعة واحدة. صُمم ليمتح شعرك روتينًا متكاملاً يبدأ بتنظيف فروة الرأس، مرورًا بتغذية وتقوية البصيلات، وصولاً إلى زيادة الكثافة وتقليل الهيشان والتقصف، للحصول على شعر أكثر نعومة ولعمانًا وصحة مع الاستخدام المنتظم.

محتويات البوكس

400 جرام سدر مطحون.
200 جرام مشاط بني أو مشاط أحمر (حسب اختيارك).
200 جرام حناء المدينة.
200 جرام نواة التمر المطحونة.

أنواع المشاط

المشاط الأحمر

مناسب للي شعرها محتاج لمعة أقوى ولمسة لون محمره ودافية مع أعشاب مختارة بعناية لتحقيق نفس النتيجة بس بإحساس مختلف.

المشاط البني

مناسب للي عايزة تحافظ على لون شعرها وتاخد نفس نتيجة الفرد والنعومة من غير أي تغيير في اللون.

الفوائد

يساعد على تنظيف فروة الرأس والتقليل من القشرة.
يساهم في تقوية الشعر وتقليل التساقط.
يساعد على تحسين كثافة الشعر وتقليل مظهر الفراغات.
يغذي الشعر بالعناصر الطبيعية ويعيد إليه الحيوية.
يساعد على تقليل الهيشان والتقصف.
يمنح الشعر نعومة ولمعانًا طبيعيًا.

الهدايا المجانية

زيت أوريا الطبيعي 30 مل.
5 بونيهات للاستخدام.
فرشاة لتوزيع الخلطات.
كارت خصم 10% على الطلب التالي.

ابدئي روتين العناية الطبيعية مع البوكس السحري من أوريا، واستمتعي بشعر أكثر قوة وكثافة ونعومة ولمعانًا مع عناية متكاملة من الجذور حتى الأطراف.

نوع المشاط	بني, احمر

أكتر الأسئلة اللي بتوصلنا

مشاط بني ولا أحمر؟

البني بيحافظ على لون شعرك الطبيعي أو المصبوغ من غير أي تغيير، وبيدي نعومة ولمعة. الأحمر بيدي لمعة أقوى ولون برجاندي هادي بيظهر بالتدريج مع الاستخدام.

أستخدم أكتر من منتج في نفس الأسبوع إزاي؟

وزّعي المنتجات على أيام الأسبوع: السدر لتنضيف الفروة، المشاط أو الحناء أو نواة التمر للتغذية، وزيت أوريا ٢–٣ مرات. ده بالظبط اللي البوكسات معمولة عشانه.

أقدر أحضّر الخلطة وأحفظها لبعدين؟

الأفضل لأ. حضّري الكمية اللي شعرك محتاجها بس، واستخدميها على طول بعد التحضير.

مناسب للشعر المصبوغ أو المعمول بروتين؟

أيوه. اختاري المشاط البني لأنه مش بيغيّر اللون، وحناء المدينة كمان مش بتدي لون.

إمتى هشوف نتيجة؟

النعومة واللمعة بتبان من أول استخدامات. الفرق في التساقط والكثافة محتاج التزام من ٤ لـ ٨ أسابيع، والنتايج بتختلف من شعر للتاني.

الدفع إزاي؟ وينفع أفتح الشحنة؟

الدفع عند الاستلام أو أونلاين. وتقدري تفتحي الشحنة وتتأكدي إن المنتج سليم قبل ما تدفعي. وبعد الطلب بنتصل بيكي نأكده، فاتأكدي إن رقمك صح.

لو وصلني منتج فيه مشكلة؟

لو المنتج وصل تالف أو ناقص أو مش مطابق، ابعتيلنا على واتساب 01501501466 رقم الطلب وفيديو فتح الأوردر خلال ١٤ يوم من الاستلام، ونستبدله أو نرجّعه والشحن علينا. المنتجات المفتوحة أو المستخدمة مش بترجع.

لسه عندك سؤال؟نصائح العناية